Xurshid Rasulov — Yoshligimga qaytgim keladi (new version).mp3

Gohi shunday paytim keladi,
Sizga bir gap aytgim keladi,
Qursin ko`ngilning ko`chasi, demang,
Yoshligimga qaytgim keladi.

Dadam so`zin tinglagim kelar,
Bag`rida bir uxlagim kelar,
Quchib-quchib yig`lagim kelar,
Yoshligimga qaytgim keladi.

Onam yopgan issiq nonlarni,
Eslab do`st-u qadrdonlarni,
Sog`indimda o`sha onlarni,
Yoshligimga qaytgim keladi.

Olislardan chorlar bir nigoh,
Qaytolmasam mendami gunoh?
Ilk sevgimga yagona guvoh –
Yoshligimga qaytgim keladi.

Umr asli besh kunlik safo,
Gohi safo, gohida jafo,
Tashlab ketgan o`sha bevafo
Yoshligimga qaytgim keladi.

Siz ham mendek ezilgan chog`da,
Kezganmisiz xazonli bog’da
Qumsab A’zam yuragi dog’da
Yoshligimga qaytgim keladi

Yoshligimga qaytgim keladi
Yoshligimga qaytgim keladi
Yoshligimga qaytgim keladi
Yoshligimga qaytgim keladi